Երջանիկ մարդիկ առողջ սիրտ ունեն

Ամերիկացի գիտնականների վերջին հետազոտության արդյունքները տպագրված European Heart Journal-ում առաջին անգամ ցույց տվեցին հուզականության և սրտի իշեմիկ հիվանդության միջև ուղիղ կապը:

ԱՄՆ Կոլումբիայի համալսարանի դոկտոր Կարին Դևվիդսոնի վկայությամբ, կարելի է կանխել սրտի հիվանդությունը` տրամադրությունը բարձրացնելով. «Յուրաքանչյուր ոք պետք է բազմակերպ դարձնի գորշ առօրյան ինչ-որ ուրախ բանով, որպեսզի հակադարձի սթրեսի հետևանքների բացասական հետևանքները: Դա բերում է առավել մեծ օգուտ, քան հավերժ սպասվող արձակուրդը»:

Տաս տարվա ընթացքում դոկտոր Դևիդսոնը, գործընկերների հետ, հետևել է հետազոտությանը մասնակից 1739 մարդու առողջությանը: Գնահատվում էր նրանց սրտի հիվանդության զարգացման ռիսկը, հետևում էին դեպրեսիայի, թշնամության, տագնապի ախտանիշներին, ինչպես նաև դրական հույզերի մակարդակին:

Մասնակիցների ամեն մի դրական հուզմունքի համար հաշվարկվում էր 0 մինչև 5 միավոր, պայմանավորված այն հարցերի պատասխաններով, թե ինչպես են նրանք արձագանքել սթրեսին կամ արտահայտել զգացմունքները: Ինչպես նաև ուշադրություն են դարձրել նրանց տարիքին, սեռին և սրտային հիվանդությունների ծագման ռիսկին:

Տասնամյա հետազոտությունների արդյունքում գիտնականները հայտնաբերել են, որ դրական հույզերով բարձր միավորներ ունեցող մասնակիցների մոտ ինֆարկտի կամ կաթվածի ռիսկը համեմատաբար ցածր էր:

«Բացասական հույզերով մարդկանց մոտ ինֆարկտի հնարավորությունը բարձր է 44%-ով, քան նրանց մոտ, ովքեր դրական լիցքեր ունեն,-բացատրում է դոկտոր Դևվիդսոնը:- Մենք բացահայտել ենք նաև, որ, եթե մարդը լավատես է ընդհանրապես, սակայն ինչ-ինչ պատճառներով տխրել է հետազոտության ժամանակահատվածում, դա ոչ մի կերպ չի ազդում հետազոտության վրա: Նրա հիվանդացության ընդհանուր ռիսկը մնում է ցածր»:

Գիտնականների կարծիքով, կարող են լինել այդ կապի մի քանի բացատրություններ: Օրինակ, երջանիկ մարդիկ ավելի շուտ են վերականգնվում սթրեսից հետո, նրանք ավելի քիչ են կրկին ու կրկին վերհիշում բացասական իրադարձությունները, որը նրանց դարձնում է հոգեբանորեն ավելի ուժեղ:

Դոկտոր Դևիդսոնը հիշեցնում է, որ լարվածությունը թուլացնելու և տրամադրությունը բարձրացնելու համար չպետք է թերագնահատել հոբբիներն ու սիրած գործով զբաղվելը.«Շատ կարևոր է ժամանակ հատկացնել սեփական անձին, նույնիսկ եթե դա օրվա մեջ 15 րոպե տևի»:

Հարցեր, պատասխաններ, մեկնաբանություններ